.com lamah aw…!


Chhiartute’n post an siam ve theih nan te, a lo changtlung duh zawkna avang tein mizofiamthu.com lamah ka insawn e. He blog hi chu ka rauhsan tawh ang. Ṭhahnemngai taka blog lo tlawh zat zat ṭhinte chungah ka lawm a, a thar lamah pawh lo tlawh leh zel turin ka han ngên nghal che u a ni.

Fiamthu Làwrkhâwm-74


1. Kâng tuarte ṭanpui nan free concert a lo huaihawt vel.

2. Khaw pakhata an kohhran pawh kha inkhawm an tlêm mai mai asin. Pahnih chiah an inkhawm a, pakhatin thu a sawi a, pakhatin a lo mutthlûksan.

3. Khaw pakhatah pawh khan nula rim tur an han vâng mai mai khawp a, uisathiam nen nula rîm tur an zawng ṭhin.

4. Lerh deuh hin piangthar pakhat pawh kha a’n piangthar over mai mai asin. A phone contact list an ensak a, an kohhran upa leh pastor number bak a awm lo.
Continue reading

Fiamthu Làwrkhâwm-73


1. Tlangval pakhat pawh khan chhunah a chhungte feh hlâna zu thlawr a duh sia, mi an lo kal a hlau bawk si; an kawngka lu-ah, ‘CHHUNG INKHAWM KAN NEI MEK’ tih a târ nileng ṭhak!

2. Ṭhiandun pawh kha an awm a. Pakhat zawk khan, “Ṭhianpa, chaw hi no. 4 ka chhum dawn a, kan kham ang em?” a tia, a ṭhianpa chuan, “E! Chaw ei chhuah i tum elo?” a lo ti hem mai.

3. Tleirawl pakhat chuan a ṭhiannu a lo hrilhru sar sar a…
“Thangkura zawngtë-in a star lutuk che!”

4. A bike kha a chhe âwm mai mai asin. A bulah vawksa kg 5 an dah a, “Khawi nge i duh zawk?” te an ti vel mai mai.
Continue reading

Fiamthu Làwrkhâwm-72


1. “Kan veng kohhran pavalai ho chuan sum tuak nan oriflame product chi hrang hrang an zuar dawn bik bik,” tiin a lo intithei em em ringawt.

2. Pa pakhat pawh hi a ṭawngṭai khât awm asin. “Kei chu Pathian hian enkawl nuam min ti ngawt ang,” a ti a. “Eng vang chuan maw?” an ti a, “A, engmah hi ka dil ve ngai si lo va,” zuk ti a.

3. Khaini bura milem chuang leh Raja chap khaini kawma milem chuang te hi nute unau an ti.

4. Khaw pakhatah pawh khan mitthi kha kuang nawrna angah khan an nawr a, kawng chhukah amahin a’n lirthla mai chu, kuang nawrtute an buai teh a nia aw… An ûm hut hut mai mawle!
Continue reading

Fiamthu Làwrkhâwm-71


1. Heng zawhna te hi i chhang dawn chhin teh ang u.
i) Pu Chhurbura khan NLUP dawng ve dawn ta se, eng trade nge a thlan i rin?
ii) Mauruangi kha hnam dang pasala nei hmasa ber a ni thei mai ang em?
ii) Fapa tlanbo kha tunlai hun ni se HIV/AIDS a kai ve mai lovang maw?

2. Nu pakhat mood fuh lo pawh kha a fuh lo mai mai asin. Khawlaiah a fapa a kai a, a fapa chuan, “Ânu, i duhna naah kal ang aw…” a tia, nu chuan, “Ninawm, min bia min be suh,” tih pahin a beng pawp!

3. A phakar mai mai. “Ka pa, pawisa min pe la, ka nu mutpui ṭhin ka hrilh ang che,” a tia, a pa chuan a mamawh aia tam a pe a, “Tu nge ni?” a ti zui a. A fapa chuan tlanchhuah pahin — “Nangmaaaah!!!”
Continue reading

Fiamthu Làwrkhâwm-70


1. Nu pakhat ṭawngṭai pawh kha a tui lutuk a, Gandhi chhungkaw tan te a ṭawngṭaisak vel thlap.

2. Zurui pakhat pawh khan nêm muang pâwr tâwkin, “Min cho in awm em? A ngam chuan ka nghawng hi rawn chhawk hmawk se ka harh sawt ang,” a tia, an kawmthlangpain, “Keiman ka ngam,” a tia, zuruia chuan, “Ka ti fiam a…” a ti nasa mai.

3. Zirtirtu — Thatchhia leh taima belhin eng nge chhuak ang?
Mawia — Thatchhia.
Zirtirtu — Eng vangin?
Mawia — Minus leh plus belh chu minus a chhuak i tih kha…
Continue reading

Fiamthu Làwrkhâwm-69


1. Chhungkhat paber pawh kha chawlhni tukah chhung inkhawmna a hman chuan tlai lamah a rui ziah.

2. Chhura khan Nahaia kha over a ti thei raps.

3. Concert-naah a zai ve a, a sa sual chiang ve mai mai. Ring leh ṭêng tawkin, “Val ngai lo zama ṭang ta che…” a ti liah liah.
Continue reading

Follow

Get every new post delivered to your Inbox.

%d bloggers like this: