Thingtlângpa Fiamthu-2

1. Naupang I-na: Ka pu chakai man chu a thau a nia aw..
Naupang II-na: Engtiang chiahin nge a thau a?
Naupang I-na: A ke te pawh a chum biang thei.
Naupang II-na: A la thau tâwk lo a nih chu. Ka pu man chu, ka man dawn paw’n a tlanchhia a, a fâwn lawrh lawrh thei.

2. An khuaah sawrkar lam hotute an lo lut a, VCP leh member-te an zawng a. An awm loh avangin Pastor tal pawh tiin an zawng a, a lo la awm lo cheu va. “Khawnge in khaw pa challang zawng zawng hi?” ti-a an han zawh chuan, “Vengchhak lamah,” tiin an lo chhang a. Vengchhak lama an han chhoh nak chuan, hmeithai in bathlau-ah an lo uai fur chu niin! “Eng nge a awmzia? VCP leh Pastor ho hova in uai tak fur!” ti-a an han zawh chuan VCP chuan, “He bathlarah bak Airtel signal awm hek lo!” a lo ti vin hlur!

3. Khaw ṭhenawmah a zin a, a thlennate khan per thei rah tuarh mai hi an lo nei a. ‘Ei rawh, ei rawh’ an ti phal awzawng si lo va. An mikhualpa chuan a thleninte muthilh hlân chuan per thei chu a lo ṭeuh va, a bag-ah a khung mawlh mawlh a. A bag-a nêk pàwng thei turte kha puanin a tuam thlap a. Tukṭhuan chaw eikham, chhuah dawn hun ṭepah chuan mikhualpa chuan ama bag hrui ngei mai chu a pal a, a tlu awrh a. A per thei ah rûk zawng zawng chu chhuatah a lum ta hul hul mai a. A tam tham roh mai si a, mikhualpa chuan, “Naupang lawm mai maiah ka ti asin mawle..” tih pahin a rût leh vek a, mangṭha pawh mangṭha lovin tukkhum za ur urin a chhuak hmawk hmawk e, an tia lawm!

Thingtlangpa Fiamthu

1. “U Thang, patët hi eng nge a hrehawmna ber ni-a i hriat?”
“Patët hi kawng dangah chuan a hrehawm ka ti lem lo. Hlo thlawh rit lâk hnathawh hrim hrimah hian a pawi ber. Kawr-ah kan inhawlh tâng a, min rêp teivet hi ka ning ber!”

2. Vaihlo tui kha a intihre mai mai asin! An han zûktir a, a han pak khu luih luih a, a hawi vung vung a —
“In lawh ni hian in chhangchhe viau a nih hi. A lotute zingah kum 20 tling lo mi pathum an tel a nih hi. Ṭawng huatthu suhah in ṭâm kum a ni deuh bawk a nih hi. A hmun a awih a, theipui leh hnahkhar a tam a nih hi. In thlo duhdah bawk nen, a rùin a tawp a thlen lo va, a rimtui viau tawp lamah hian Tiranga rim a nam deuh a nih hi. Tin, in vaihlo hmunah vai sumdawng an kaltlang zauh zauh bawk.”

3. Sanghal hliam an zìm a, a phe zeuh bâk an hmu hman lo. A chàn khànah a lo chhuak mai chu, a ṭuan a rang bawk a ni ang, a ngal a rawn su a, ani’n a lo teh hman; a tlan leh chiah chu, “Ding rawh! Sum 5 leh zung 4 i ni! A chal pawh i la ni lo!” a ti tuarh tuarh!