Chhiartu lam aṭangin...

1. Rza: Tualte vanglai a kawṭhalo nasa pawh kha a’n nasa mai mai khawp a. A êk rei tawh em avangin an va en nak chuan a silipar chiah a e bâng mawle!

2. Thara Chhangte: An khaw nula awmchhun kha tlangval awmchhun nau!

3. Mastea: An kohhran ṭhalai khan nghathu an zuar a, nghathu zuar nih kha a zak sia, “Ponyo rêp, Ponyo rêp,” tiin an au lauh lauh a, an hralh zo vek.

4. Esther Malsawmtluangi: Tlangval senior pawh khan fapa neih a châk lutuk a, a chî kha khaini burah a thun a, kawnga lirh pahin, “Mama, kal chhet chhet,” a ti vel. Kut a la bêng thak thak zui.

5. lhpuia: Nula leh tlagval khan forest huanah chance an nei ve a. Huan enkawltu chuan thâwm a hriatna lam chu a va pan a. Hmeichhia zawk cuan mi lo kal thâwm a hriat chuan mipa hnenah, “Phawi rawh phawi rawh, mi an lo kal,” a ti a. Huan enkawltu chuan a ṭawng a lo hre pha si, “Phawi lovang, sawrkar phun a nih kha,” a ti ve ṭhuai!

6. Pangpuielhtliaka: An daw heh mai mai, “Hmanni deuh khan kan thlang mual chung zawnah chuan thlawhna hi a rawn ding chawt mai a, tichuan, a rawn back chho leh ta a. Mak ka tih em avang chuan ka han chian ta a, Neihdawn khaw Lalsawma’n a vaihlo bag a lo namthlak theihnghilh lek chu lo niin,” a ti zuah zuah.

7. Pangpuielhtliaka: Tlangval pakhat pawh kha a fit mai mai. Inkhelhnaah striker-ah a ṭang a, a khalh char char a, goalie a bum vek tawh tihah a ding ta tlat mai a, A ṭhiante’n, “Pêt goal ta che, ngati nge?” an ti sap sap a. Ani chuan zawitein, “Pal bua alawm mawle,” a lo ti sap.

8. Pangpuielhtliaka: Mi pakhat ho ve deuh pawh kha football match referee-ah a ṭang a. Nakin deuhah chuan an inkhelh laklawh laiin whistle chu a hâm tuarh a, tumahin an foul awm an hre si lo va, “Engati nge?” ti-a an han zawh chian chuan, “A khalh chak lutuk, a theih loh!” a’n ti ringawt ah! A hnu deuhah a hâm leh tuarh a, a chhan an han zawh leh chuan, “Thangliana’n min melh rum!” Nawi ve khawp mai.

9. Peka: Sikul naupang pakhat pawk kha an zirtirtupain, “Long long a go‘ tih hi han let teh,” a ti a, sikul naupang chuan inla-confi tawkin, “Sei sei a kal,” a lo ti ve hmak.

10. Levi: Picnic-naa pool-a nula pakhat tui tla chu thi chhawngin an chhar a, a chhartu chuan bawihsawmin a ka-ah te chuan a hâm vel a. Chu nula chu a rawn harh chhuak leh ta a, “Ka lawm hle mai, min chhanhim a,” tiin a chhartupa chu lawmthu a hrilh a. Tlangval chuan ngui ngiaiin, “Tikhan bird flu i vei chiah!” a lo ti sap.

Note: Fiamthu rawn thawntu zawng zawng chungah lawmthu kan sawi a, rawn thawn zel rawh. In fiamthu rawn thawnte hi a rawn thleng hmasa-sa kan dah hmasa a, in rawn thawnte hi tenawm leh ho lutuk a nih loh chuan kan lo tichhuak zel ang. Zahmawh rawngkai pawh hi ṭawngkam ngialngan lutuk a nih loh chuan kan chhuah vek zel ang. Fiamthu common deuh pawh he blog-a awm tawh a nih ngawt loh chuan kan lo tichhuak zel ang. Tuna kan la tihchhuah loh ho pawh kan dahṭha zel a, a lehpekah kan lo tichhuak zel dawn a ni.

Mizo Fiamthu i lo hlimpui ngei kan beisei. Theihtawp i chhuah tlang ang u.

About these ads