Fiamthu Làwrkhâwm-58

1. Pa pakhat motor rui nasa lutuk pawh kha a’n rui nsa thei mai mai khawp a. “Engtikah nge i zin dawn?” an ti a, “Naktuk tukleh…” A tlan chhuak a, a uak nghal.

2. Tlangval pakhat pawh kha a zin hlanin an khuaa a pa kha a boral hlauh mai a, phone-in an han hrilh a. “I pa a awm ta lo!” an han ti a, ani chuan, “Khawnge a awm a?” a lo ti heu mai.

3. Tlangval polite deuh pawh khan sâwn a thlak ve a, a pa chuan, “Sâwn man chu i pu Sawma-te’n han pe mai sela..” a ti a, ani chuan, “A ngai lo..a ngai lo, zanah lèn pahin keiman ka lo pe mai ang,” te a ti vel.

4. Pa pakhat thinchhe deuh mai pawh kha a feh haw kha a fanuin thingpui a lo thlitsak a, an rialno power a tawp a, a keh ta phawk mai. Paber huat tur zawng ta reng reng chuan ben pahin —
“I va thli na awm reng reng ve!”

5. Chawhmeh an nei lo awm mai mai asin. An paber khan chaw a bar a, meizial a pak khu tulh tulh a, “Chi awm se aw…” a ti vawng vawng.

6. Sipai bang pakhat pawh kha kohhran secretary-ah an ruat a, committee thurel kha hindi vekin a lo minute vel maw le. A thlaktu secretary chu a buai raps.

7. Sazupui hi a tlan a, a zuang reng bawk a, mahse, kum 15 aia rei an dam ngai lo. Satel hi a awm mai mai a, a ei leh tawp a, kum 150 aia rei an dam thei.
A zirtir: Exer lak aiin mut a ṭha zawk.

8. Saiha lamah gas a vâng lutuk a ni awm e. YMA (MTP) te chuan gas vâng lutuk chhawk zangkhai nan vawiin hian Vawih Bawm hûngin vawih hnatlang an ko. Saiha mipuite vawih ṭheuh tura ngen an nih thu kan corespondent chuan kan palai a hrilh.

9. Pa pakhat pawh khan zu a’n heh mai mai. Khumbetin a in a, a ṭhiante’n, “Thei thûr hi ei rawh, i harh deuh ang,” an ti a, “Ka duh lo, ka harh peih lo, ka thawh veleh ka in belh leh ang,” zuk chhäk chhäk a!

10. “Zothanmawi, engzatna nge i nih?”
“Sangzuala te pawh an fail ve tho.”