Fiamthu Làwrkhâwm-54

1. Camping-ah khan a lut ve a, an speaker khan, “Hriatthiam loh lai zawtfiah duh in awm em?” a ti a. Pakhat a lo ding nalh a, “Ka pu, pastor nge speaker lal zawk?” zuk ti a.

2. A hre sual ve mai mai asin. Bazarah a kal a, phekhawk a en a. ‘Adidas’ tih kha a lo hre sual a, “Onida pheikhawk ang te hi in nei lo maw?” a va ti hú.

3. Ka nghawng tawi hriat ve chu, a helmet khum ve kha a nghawngah a innghat.

4. Ka rilruin ka zai a, ka la sa sual zui.

5. Mi pakhat hâng deuh pawh kha a inla-Korean lutuk a, a ṭhiante’n ‘Dum-chiang guk’ an ti daih!

6. Pa pakhat hian be-ai thang a kam a, varihaw a âwk hlauh mai a. Pathianni tukah an ei dawn a. Paber chuan, “Hâw hâw lo chuan ei loh tur,” a tia, naupang chu an hâw hâw dar dar a, an ei zel a. Nuber chuan intineitu takin hâw hâw lova ei a tum a. Paber chuan, “Nang kha! I la hâw hâw ve lo,” a ti a, nuber chuan ei zawhsan a hlau bawk si. A tawpah chuan, “Pa-a, i ti kher kher e…hâw hâw..” a tia, a ei ve ta a..

7. Pa pakhat pawh kha, “NLUP i dawn hi ngati nge TV lei nan i hman mai a?” an ti a. Ani chuan, “A thlâwnin nuai khat kan pe ang che’ an ti a, min pe leh si lo va, ka bum ve alawm,” a ti zaih.

8. Pulpit-ah thusawitu-ah an ruat a. A thusawi laklawh lai chuan tlar hma lama ṭhu tleirawl pakhat bawp khawkherha mal lang thui deuhva thu hi a zu hmu fuh palh a. “Khal fu ni!” a’n ti pek a! Hit lo mai mai!

9. Kha thuhriltu vek khan ṭhahnemngai takin hetiang hian sermon a lo thlak piap piap a..
“Vanramah chuan hmeichhia leh mipa kan awm tawh dawn lo va, angkhat vekin kan awm tawh ang a. Kan kap te chu uchang kap ang pâr a ni tawh dawn a ni.”

10. Police Inspector atan a interview ve a. “Rajiv Gandhi-a kha engtia thi nge a nih?” tiin an lo zawt a. A interview zo haw chu a chhungte’n eng nge a an an lo zawh chuan, “Min duh hmel khawp mai, hnuchhui tur pakhat chu min han pek nghal zat kha,” a ti vei phar phar.

About these ads